جعفر الحسن.. العراق

ردت اوصفك
وانت وصفك صعب
نار انت وما تنكرب
نارك مشتعله بيه
وانه لنارك صاير حطب
يالكاتب على شفافك خطر
احذر لا تقترب
خليني اقترب
بسمة عيونك تدليني عللدرب

يبو عيون مكحله بلا كحل
تعال اقترب
خليني عله صدرك قطرة خجل
يلمشفر كل صفاتك
وين الكه الك حل
محتاج اول وهل
بوسات وغزل
سألوني عنك واحتار الجواب
ملاك على هيئة بشر
تراب بس مرشوش بعسل
وفتحة زرار زيجك متقصده
مو عن جهل
حتى بيه انعل كل الاهل
اغنيلك ياس
بس مالكيت زرار 
خليه لزيجك هدل

فر مغزلك يا ليل 
وبخيط الصبر خل
يغزل
صايود و بأيدي أم اعريف
بلا ضوه الفانوس
كل زوايا الزور اندل
وحلل كل محرمك ياليل 
صايود ومن اشوف السمر اجفل